PIZTU ZURE BARRUKO PAILAZOA ! OSTIRALA DA ETA !!!

Bueno bueno bueno... BIYAR OSTIRALA !!! eta bi astetako OPORRAK !!! iuju !

Ostiralak [oraindik eta gehiago] alaitu asmoz, Zarauzko Salbatore Mitxelena ikastolako "Txapas" irakasleak sorturiko abestia jarri dizuet behean. Beheko linketik jetsi dezakezue. Xirula Mirulak [Imanol Urbieta] grabatua duten arren, Takolo Pirritx eta Porrotxen "Patata,patata" diskoko bertsioa ipintzen dizuet, alaiago delako eta bestetik Txapas berak ere abesten duelako.

Eman bolumena honi !

OSTIRALA

Ostirala, iritsi da,
iritsi da, ostirala
pozez betetako eguna
zatoz gurekin laguna

Mantalak etxera eta
bi egunetako oporrak [oporrak bi egunetan]
astelehenean berriro_ere
bilduko gara ikastolan [bilduko gara gure gelan]

Laralala...


Ostirala, iritsi da,
iritsi da, ostirala
pozez betetako eguna
zatoz gurekin laguna

Mantalak etxera eta
bi egunetako oporrak [oporrak bi egunetan]
astelehenean berriro_ere bilduko gara gure eskolan [bilduko gara gure gelan]


JETSI ABESTIA HEMENDIK=>http://usuarios.lycos.es/xisko/24%20OSTIRALA.mp3

+info http://www.pirritxetaporrotx.com/

ETXEBIZITZEN HARIRA

Iristen zaizkidan emailen artean, hauxe, Euskadiko Gazte Kontseilutik iritsitakoa:

Etxebizitza Guztiontzat! Plataformak larunbat honetan Bilbon burutuko den MARTXAN parte hartzera gonbidatzen zaituzte.Bi urte daramagu Etxebizitza Eskubidearen alde lan egiten eta oraingoan mobilizazioaren bitartezALOKAIRU SOZIALARI BAITASATUTAKO ETXEBIZITZEI EZESPEKULAZIOARI EZesan nahi diegu.Apirilak 8, larunbata, Bihotz Sakratutik 11etan hasiko den martxan parte hartu!

Bai, badakit lagunartean askotan hitz egindako gaia dela, baina agian modurik eraginkorrenetako bat izan daiteke kriston jende piloa biltzea!

Informazio geyo: http://usuarios.lycos.es/xisko/VPT-STE.doc

Psikomotrizitate librea

Azken urteotan Euskal Herriko ikastetxe gehienetan zabaldu eta ezarri den korronte batetaz hitz egitera natorkizue: psikomotrizitate libreaz. Librea deitzen zaio, ez delako betidanik ezagutu ditugun txiribuelta gidatuak edota plinton gaineko saltoak, ileran zain egon ondoren.

Bernard Aucouturier frantsesa da "Praktika Psikomotriza"ren sortzailea eta psikoanalisian oinarritua, haurraren adierazpen motrizean oinarritzen da. Hau da, gorputza adierazpide, komunikazio eta sentimen adierazle gisara oinarrituz eta bertatik abiatuz.

Europako Psikomotrizitate Praktikaren Formazio Eskolen Elkarteko (ASEFOP) fundatzaile eta sortzaile da Aucouturier bera, Euskal Herrian Bergarako UNEDen baitan dagoen Luzaro Psikomotrizitate eskola dugularik gertuen.

Euskal Herrian korronte honek izan duen arrakastaz baliatuta, bi urtean behin Gasteizko Europa Jauregian jardunaldiak antolatu ohi ditu Luzarok hainbat aditu eta Aucutourier berarekin.

Bernard Aucouturier haur batekin solasean

Pasa den neguan, bertan izan ginen jardunaldi hauetan eta agian honek eta irakurtzen dihardudan liburuak [Los fantasmas de acción y la práctica psicomotriz] piztu du gai honekiko dudan interesa,...

Informazio gehiago=> http://www.uned.es/ca-bergara/PSICOMO/ESCUELA.htm

HERRI MUSIKA udaberriko kontzertua

Juan Mari Beltran Argiñenak zuzentzen duen "Herri Musikaren Txokoa" egitasmoa bertatik bertara ezagutzeko aukera izango dut larunbat honetan. Herri musikan musikari, musikologo eta antropologo lanak egin dituen hau, zalantzarik gabe pertsona "historikoa" da. Hamaika partitura, musika instrumentu eta testigantza ditu jasota bere "museoa"n. Urrutirago joan gabe, EITBko "ddan,ddin,ddan ddinddigiddan..." anuntzio ezagunean entzuten den abestian entzun daitekeen "tronpa" edota "musuitarra" Juan Mariri esker entzun dezakegu [Orioko Sarobe baserriko testigantzei esker...].

Juan Mari Beltran "jakizue zé" instrumenturekin

Larunbat honetan, HM txokoan, udaberriko kontzertua izango da, arratsaldeko 18.30tatik aurrera. Programa bikoitza izango da:

• JON BERGARETXE oiartzuarrak "Oiartzungo kantu zaharrak" eskainiko ditu

• DULZAINEROS DEL BAJO ARAGON izango ditugu BARUCAS D´AGÜERRO

Programa osoa eskura duzue http://www.herrimusika.net/kontzertuak/06udaberria.pdf helbidean.

Ziur ze kontatua ekarriko dugula handik ere!

EZKONTZAK

Ez, oaindik ez, jeje. Nere aita 28 urtekin ezkondu zan ta ama 24kin. Beraz 3 bat urteko tartetxua badakat…aitan urtiekin konparatuz! amanakin... Beitu, beitu argazkiyan!!!
Bueno! kontua da hemendik hiru astea lehengusina baten ezkontza dakaula, Bergara aldian. Gure familiyan “artista”k omen gea ta musika kontuak guri pasa dixkigue, elizakuak. Ea ze iruitzen zaizuen prestatutako abestia. Ezaguna da GOUNODen AVE MARIA. Prueba modura grabatu det txirularekin. Prueba danez, "kaleak" eta dena daude!
LINK honetatik jaitsi dezakezue! GOZATU !

[eskubiko botoiakin GUARDAR DESTINO COMO...egin, bestela error!!!]
http://usuarios.lycos.es/xisko/GOUNOD%20PRUEBA%20TXIRULAKIN.mp3

>Portzierto, aitan antzik ba al det? [kar,kar,kar]

BYE BYE TRIKIZIO

Orain hiru aste utzi dudala TRIKIZIO taldea. Urte t´erdiz eman dut bertan baxua jotzen.
Lanbidea eta afizioa uztartu nahi, baina ezin. Batez ere, afiziokideak honen profesionalak baldin badira. Arrazoi pertsonalak deitzen omen zaie gaur egun, eraman ezinak diren gehiegizko kargei...hau izango da nire arrazoi nagusia... Tira! momentu goxo ugari, gogorrak beste hainbat eta milaka esperientzi utzi dizkit behinik-behin!
Ikasitakoa gehiegi da lerro gutxi batzuetan ipintzeko, baina hemen ibilbide zoragarri honetan lagun izan ditudan batzuk :

Nunbait "alma mater"ik bada, hauxe da XABI ARAKAMA komandantea. Azala momentu oro, edozein tokitan urratuko duena, TRIKIZIO bertan entzun dadin...
Gitarjole amezketarra. Musikari iaio eta gitarjole bikaina. Taldeko semetxoak bagina modura zaindu gaituen "aitatxo"a... IBAN GURRUTXAGA
Baterijole eta tipo ausarta. Sinisten duenagatik arrautza parea uzten duen lagun zarauztarra. Apika-apika gorantz doan musikaria hau ere, dirudienez, geldiezina... UNAI LOPETEGI

Nola ez... NI !!!

Aurrerantzean KIKE ARZAk beteko du nire lekua TRIKIZIOn. Baxujole aparta eta musikari handia.

Ez nituzke ahaztu nahi, Paxkal, Gilles, Ibantxu, ... LAISTER ARTE !!!

PD: Zarautzen zerbeza ferian ikusi ahalko ditugu, hilaren 15ean. Ez galdu aukera hau ! Bestalde, informazio gehiago nahi bazenu, http://www.trikizio.km6.net helbidean duzu!